SPOOKY NIGHT 10/30/08

Disclaimer: The following post is not suitable for cowards - and for minors if you may. Reader discretion is advised, so read if you are brave enough. Advance Happy Halloween! Merry Meet!

------------------------
------------------------

BALLPEN

Minsan sa isang anatomy department sa isang kilalang unibersidad sa Maynila, may propesor na naiwang nagtatrabaho ng hatinggabi. Kilala ang guro sa pagiging matipuno, ngunit mainitin ang ulo at madaling magalit. Habang subsob sa trabaho, aksidenteng nahulog ang kanyang ballpen malapit sa stretcher kung saan may bangkay na nakahiga.

PROF:
Bwisit..

Pagkasabi ng kataga ay sabay sipa sa stretcher ang ginawa ng guro. Umusad ito palayo, at siya namang dukwang nya para abutin ang nahulog na ballpen. Nang siya'y dumukwang, may nakita syang pares ng naaagnas na binti at paa na nakatayo malapit sa bagay na kanyang kukunin. Sa kanyang ikinagimbal, ang bangkay ay andun na nakatayo sa kanyang harap, ang mga mata nanlilisik ang tingin sa kanya. Nagsisigaw na tumakbo paalis ng anatomy department ang guro.

###

Makalipas ang ilang sandali, ininspeksyon ng guwardiya ang nasabing lugar. Nagitla ito ng makitang ang desk ng guro ay magulong-magulo, at lahat ng ballpen ay bali sa gitna. Sinilip nya ang stretcher, naroon naman ang bangkay.

###

Pagkauwi kinabukasan ng guwardiya matapos ang kanyang night shift, sinalubong sya ng kanyang anak sa pintuan.

ANAK:
Tay, tay! May bisita po kayo kanina, kaso umalis na, may regalo pa nga sa'ken.

Sabay angat ng bata ng kanyang kanang kamay, hawak ang isang piraso ng ballpen.

GUARD:
Asan sya anak?

ANAK:
Umalis na din po agad itay, babalik na daw sya sa stretcher, saan ba yung stretcher 'tay?

SPOOKY NIGHT 10/29/08

Disclaimer: The following post is not suitable for cowards - and for minors if you may. Reader discretion is advised, so read if you are brave enough. Advance Happy Halloween! Merry Meet!

------------------------
------------------------

7th FLOOR

Minsan sa isang kilalang gusali sa lungsod ng Makati, isang bagong employed na lalaki ang inabot ng madaling-araw dahil sa pagta-trabaho. Dakong ika-3 ng umaga ng siya ay matapos at naisipang umuwi na agad. Mula sa kanyang opisina sa 10th floor ng gusali, tinungo nya ang elevator at lumulan dito. Pinindot niya ang button ng down, at agarang sumara ang pinto at umandar ang elevator. Bumaba ng 9th, 8th, at 7th floor - ng biglang tumigil ang elevator. Tumunog ito at sabay na bumukas ang pinto. Walang anu-ano'y may sumilip na mukha ng babae, na ikina-bigla ng lalaki.

BABAE:
Up?

LALAKI:
No, going down.

BABAE:
Thank you!

Kasabay ng ngiti at pasasalamat ay tumuloy na ang pagbaba ng elevator na lulan ang lalaki. Nasabi na lang nya sa sarili na hindi lang pala siya ang sumobra sa overtime sa panahong iyon.

###

Paalis na ng gusali ang lalaki ng maisipan nyang tanungin ang guwardiya.

LALAKI:
Guard, sino yung babae pa sa taas sa 7th floor?

GUARD:
Ho? Naku sir, wala hong mga opisina sa 7th floor, lahat iyon bakante. Baka ang nakita nyo eh yung anak ng may-ari nitong building. Tumalon siya dati mula sa 10th floor, pagbagsak nya sa 7th floor naputulan siya ng ulo.

Natigilan lalo ang lalaki, nagpatuloy ng kwento ang guwardiya.

GUARD:
Malamang sir ang nakita nyo eh yung ulo lang, tama?

SPOOKY NIGHT 10/22/08

Disclaimer: The following post is not suitable for cowards - and for minors if you may. Reader discretion is advised, so read if you are brave enough. Advance Happy Halloween! Merry Meet!

------------------------
------------------------

CUBICLE

Isang normal na araw sa isang dormitoryong pambabae sa isang sikat na unibersidad sa kamaynilaan, isang bagong saltang estudyante ang tahimik na nagliligpit ng kanyang mga gamit sa inupahang silid. Dahil sa bagong salta, wala pa syang mga kaibigan sa dormitoryo. Makalipas ang ilang oras na pagsasalansan ng mga gamit, nakaramdam ang estudyante ng tawag ng kalikasan. Dali-dali nyang tinanong ang landlady kung saan ang banyo.

GIRL:
Manang, saan ho ang banyo nyo? Naiihi na kasi ako..

MANANG:
Dun sa dulo hija, kaliwa ng kusina. Ingat ka't medyo madulas sa loob.

GIRL:
Salamat po.

Nagmadali ang estudyante sa pagpunta sa banyo. Pagbukas ng pinto..

GIRL:
Aba, may mga cubicle pa pala. Ayos, hindi agawan dito.

Napansin ng dalaga ang ikalawa mula sa dulong cubicle, na animo'y walang gumagamit dahil sa maayos ang pinto nito. Nang kanyang buksan ay malinis naman sa loob nito, di hamak na mas malinis kesa sa naunang dalawang cubicle na nadaanan niya. Walang anu-ano'y ito na ang kanyang ginamit. Habang umiihi, nakaramdam ng kakaibang lamig ang estudyante sa kanyang noo at mukha. Nagtataka man, hinayaan nya na lng ito. Matapos gumamit ng banyo ay malinis nya itong nilisan.

###

Kinagabihan, nakisalamuha sya sa iba pang babaeng boarders. Masaya silang nagkwe-kwentuhan ng kung anu-ano ng may magtanong na isa sa kanya.

BOARDER 1:
Girl, nagamit mo na ba yung CR sa baba? Naku wag ka dun ah, dun ka na lang sa CR natin sa palapag na ito, alam mo na ba kung saan?

GIRL:
Ah, hindi eh. Oo, nagamit ko na yung sa baba kanina. Ok naman sa baba, malinis..

BOARDER 2:
Sigurado ka?

BOARDER 3:
Baka nilinis ni manang..

GIRL:
Ewan ko, pero malinis naman. Doon kasi ako sa cubicle na ikalawa mula sa dulo. Yun ang ginamit ko.

Natigilan ang tatlong boarders at dali-daling pumaikot sa bagong salta, animo'y nakakita ng kung anong nilalang.

BOARDER 3:
Bakit dun ka pa?

BOARDER 1:
Sana yung dito na lang sa taas ginamit mo!

GIRL:
Yun kasi tinuro ni manang, bakit anu ba meron dun?

BOARDER 2:
May nagpakamatay kasi sa dormitoryong ito, nagbigti - doon mismo sa cubicle na ginamit mo. Sabi ni manang, pag naka-upo ka sa toilet bowl nun, sakto sa mukha mo ang paa ng babaeng nagbigti doon.

SPOOKY NIGHT 10/19/08

Disclaimer: The following post is not suitable for cowards - and for minors if you may. Reader discretion is advised, so read if you are brave enough. Advance Happy Halloween! Merry Meet!

------------------------
------------------------

RED EYE

Isang gabi sa isang kilalang campus sa kamaynilaan, isang baguhang propesor ang sinubok ang kadiliman ng campus sa gabi. Inabutan sya ng isang napakalakas na ulan. Dahil sa walang dalang panangga kahit payong, napilitan syang tumakbo sa pinaka-malapit na building upang sumilong.

GUARD:
Sir, gabi na po. Bakit andirito pa kayo?

PROF:
Ginabi ako sa papers ko hijo, makiki-silong muna ako dito.

GUARD:
Sige ho..

Makalipas ang ilang oras, mas lalong bumuhos ang malakas na ulan. Pasado alas-dose na ng hatinggabi.

PROF:
Baka dito na ako magpa-umaga hijo, may kwarto ba diyan na bukas? Dun na lang muna ako.

GUARD:
Meron sir, pero patay na ho lahat ng ilaw, hindi na pwede buksan.

PROF:
Sige ok lang iyon..

Sinamahan ng guwardiya ang guro sa ika-tatlong palapag, at pumasok sila sa unang kwarto sa kanan. Madilim, walang ilaw, wala ni kahit aninag ng buwan. Iniwan ng guwardiya ang guro at nagbilin na kung may kailangan o problema ay sumigaw lamang siya.

###

Makalipas ang ilan pang oras, sa patuloy na pagbuhos ng malakas ng ulan, nainip ang guro. Nagmasid sya sa madilim na silid, naglakad-lakad. Naisipan niyang lumapit sa pinto. Napansin nya ang kung anong kinang na meron sa keyhole - sinilip niya iyon. Wala siyang nakita kundi kulay pula. Nagtataka man, pinilit na lamang niyang makatulog.

###

Kinabukasan..

PROF:
Salamat sa pagpapa-tuloy sa'ken hijo kagabi! Hindi naman pala nakakatakot talaga dito. Sa totoo lang, sinadya kong magpa-gabi talaga. Bago lang ako dito, tinutuklas ko lang kung totoo ang balita ng mga multo dito sa school.

GUARD:
Walang anuman sir! Dito sa building, meron daw po diyan nagmu-multo. Isa lang, pero hindi ko pa nakikita. Sabi nila isang babae daw gumagala sa building na ito. Ayon sa mga nakakita na, nanlilisik daw ang mga mata ng multong babae - pulang-pula.

CMC Luau Night

AGAIN, GRABS LANG KASI WALA PA RIN AKONG CAM SA PANAHONG ITO.

*Bitter.ulet*

Salamat again sa mga nag-post!

\m/